Lam saboeh kisah

Panton bak awai thon 2014 dari Syeh Fuady

Fuady Bin Syukri Sulaiman

Assalamualaikom warah matullah
Thon 2014 jinoe ka teuka
Ta lakee doa ka Nibak Allah
Beuglah keuh langkah sabe lam bahagia

Kiban lawet nyoe adoe meutuwah
Katrep hana bhah geutanyoe dua
Canek lam panton hana ngen balah
Lagee kabeh dah panyet tan sua

Lam ujeun malam angen ji meushah
Sang-sang jipeugah saboh calitra
Sampoe lon teukhem dalam peuratah
Wate ta peugah meuturi dua

Tanyoe meu panton peu gadeh sosah
Bak thon ka leupah ceudah lagoina
Teuma oeh lheuh nyan tinggai keuh langkah
Sungue ta peugah di dalam dada

Kawen Paksa (Meubalah Panton Aceh)

Geutuleh le Etty Rismanita, Nazar Shah Alam, dan Muhammad Ali

 Etty Rismanita

Salamualaikom e sigom wareh
Hana ta tuleh keu kawen paksa
Sidroe pemuda geuthem meu abeh
Demi peulareh disinyak dara

Dalam cerana ranup seulaseh
Gapu geutindeh keu cukop atra
Meukawen paksa cukop meupaleh
Hate lam seudeh siumu masa

Meubalah Pantoen

NZA

Le Syeh Manggeng (Etty Rismanita) ngon Syeh Pengko (Nazar Shah Alam)

sumber: grup Sastra Aceh facebook, 26-27 Maret 2012

Syeh Manggeng
Assalamualaikom hai tengku jampok
Pat taduk jinoe digata?
Nibak malamnyoe ulon that suntok
Ku preh-preh troek lawan meucakra

Soe nyang beuhe jaroe neutunjoek
Jet lon peurabok jeut-jeut anggota
Taba laju senjata keuno beu-ok
Beuthat pih rayek hanjet keumara

Beuthat pih AK keuno tatarok
Hanjet ke reudok masam ngon muka
Munyoe gata sep sigoe geu reu,ek
Laju meutumpok hana meudaya

Metulak Panton NSA vs Etty

Poto. NSA

Nazar Shah Alam

Peuraho pawoh meulaboh malam
Jipeutron asam campli ngon lada
Kapijut tuboh meuhawoh badan
Sebab sang bintang jioh di mata


Peuraho pawoh meulaboh malam
Jipeuding asam campli ngon labu
Dak siminet troh gata po bintang
Teuga ju badan kapuleh rindu

Etty Joseberg Joseph


Peraho pawoh dalam geulumbang
Jiwoe oh malam keunoe u pante
Rindu lam hate sama ngon cut bang
Sang-sang di badan hana tuleng le

Si mirahpati dipoe oh malam
Beurujuk balam dipoe oh sinja
Rindu lam dada gram grum lam badan
Keunoe hai cut bang ta padu rasa

Cae Yatim

Oleh Etty Joseberg

Allah hu Allh, Allah hu rabbon
beuneu tulong hudep lam donya
pakoen keuh bala neubi keu ulon
meusamboeng2 lam sengsara

Bak saboeh malam lakoe lon dipeutroen
Lam uten dicroen mayet teuka
Peudeh hate seusak lam jantoeng
Aneuk lon kandoeng katan le Bapa

Hoem Keuh...

Assalamualaikoem kawoem sahabat
Rakan seujawat lon sapa sigoe
Nibak uroenyoe ulon meuhat
Keusaboh hikayat ceurita lam nanggroe

Para raja-raja ka geutroen u bumoe
Geumita sinaroe lam lungkiek desa
Baroe khon sibuk dalam meuligoe
Gadoeh ut gigoe deungon rupia

Woe Gampoeng

Oleh : Etty Rismanita

Asssalamualaikoem kawoem silingka
Nyang na bak SASTRA meuhat lon sapa
Nibak uroenyoe keuneuk meucalitra
U Nanggroe ABDYA lon keunek gisa

Ka troeh dua thoen uloen di Banda
Lon Jak sikula mita ilmu
Lon tinggai Nanggroe Manggeng nama
Desa Sejahtera nyang ulon rindu

Peusan bak adeuk

Oleh : Etty Rismanita

Wahee Adek lon leungoe kak peugah
Bak gata meutuah wahee boh hatee
Kadang singoeh kak meulangkah
Keudeuh bak Allah Rabbul kadee

Bhak ta dhuk-dhuk nyoe ka langkah
Nyawoeng geu hilah hana ta theu droe
Hana sampoe kak peubahagia Ma ngoen Ayah
Na gata meutuah geunantoe uloen nyoe

Kisah si Yatim

Oleh Etty Joseberg

Allah hu Allah, Allah hu rabbon
Beuneu tulong hudep lam donya
Pakoen keuh bala neubi keu ulon
Meusamboeng2 lam sengsara

Bak saboeh malam lakoe lon dipeutroen
Lam uten dicroen mayet teuka
Peudeh hate seusak lam jantoeng
Aneuk lon kandoeng katan le Bapa

Lagoe Malam Minggu

Jalan meukuwet di Alu paku
Moto teuh a' u' beungoeh sepot
Nyang muda-muda jak malam Minggu
Nyang kalee umu tarek seulimbot

Di keude Pidie tabloe boh ramboet
Tapunjoet-punjoet paso lam kantoeng
Lagee kamoe kulet ka kroet
Pat lom patoet tajak meulancoeng

Luroeh tuleng keunong angen malam
Tamoeng lam badan ka saket pruet
Nyang dara rame jemput oe ka malam
Kamoe tuan bahkeuh jak teunget...

Suara Aneuk Koh

Tajak u gle ta pula bayam
Tapeudhoeng rangkang oh uroe ka
Hatee sedeuh han ta tuoh ban
Seutreus fikiran pikee beulanja

Barang di dapue ka habeuh mandum
Troeh bak boh kuyun ka than lee na
Duaploh ribe tinggai lam balum
Meutemeu boeh kuyun than meutemeu saka

Campli ngoen kunyet sama lom lagoe
Ajinamoto lom aliya jahe
Laen lom lada payah chit tabloe
Keu mandum nyoe hanseup limoeng ribee

Engkoet dua neuk ka siploeh ribee
Nyan pih aneuk suree dua goe koh
Sigoe tacroeh sigoe tagule
Ka meunan lage deurita aneuk koh