Cae Yatim

Oleh Etty Joseberg

Allah hu Allh, Allah hu rabbon
beuneu tulong hudep lam donya
pakoen keuh bala neubi keu ulon
meusamboeng2 lam sengsara

Bak saboeh malam lakoe lon dipeutroen
Lam uten dicroen mayet teuka
Peudeh hate seusak lam jantoeng
Aneuk lon kandoeng katan le Bapa


jinoe umue kana 2 thon
ditanyoeng bak lon Ayah hoka
nyang na imata ile meucroen2
ku cok ku coem oh boh hate ma..

ayah yg kahana beuk le katanyoeng
whe oh bungoeng siraman hate ma
mak jok sikula jeut mngat caroeng
mubhek ka hitoeng daripat teuka

              ***
Meupat keuh kanda dijinoe
Buah cinta tanyoe jinoe ka raya
sabe tiep malam aneuk dimoe
Di kaloen rakan droe nasoe intat sikula

Mue blek2 mata di kalon anuek gop
Sabe tiep sepot nasoe peumeuen
Aneuk geutanyoe pih tan meusilop
pulom jinoe dihawa si tangeun

roe imata ulon hai kanda
ingat keu aneukda seudeh that untoeng
mantoeng lam keubon oh uroe senja
di yup meuriya sinan meulindong

meunyoe na kanda hana smpe lagenyoe
hana binteuh beusoe na on meuriya
kiban tapaban wahe oh lakoe
kanda ka tawoe laen dunia

          ***
Meunyoe mslahnyan bek kanda ragu
ka rata tgku kaleuh lon intat
jak sikula kubloe ngoen buku
kubloe ngoen sipatu coklat

lon raeh2 mita raseuki
lon pula campli ngon boh keumude
oh ban ka tuha tanaman ka jadi
ulon peu ili publo u kudee

Meunan keuh sabee sejak kanda troen
pujoe keu rabbon kamoe sep keu bu
paleung sedeuh oh ujeun dtroen
dimiyup on kamoe pudhuk bu

Ingat keu untoeng ku meukawen laen
tpi han siap baten ingan keukanda
lon tanyoeng bk sinyak jih pih han dithem
ngoen ayah laen hana tente bahgia