Assalamualaikoem kawoem sahabat
Rakan seujawat lon sapa sigoe
Nibak uroenyoe ulon meuhat
Keusaboh hikayat ceurita lam nanggroe
Para raja-raja ka geutroen u bumoe
Geumita sinaroe lam lungkiek desa
Baroe khon sibuk dalam meuligoe
Gadoeh ut gigoe deungon rupia
Adhak ta seutot pih han geupakoe
Ngoen binteuh beusoe page geulabang
Asai jih seunang kuasa bak jaroe
Keu peu lam tanyoe dijak pandang
Peunomeuna lage nyoe cit ka biasa
Asai ka pilkada ureung ka gabuek
Keulompok di pudhuk rata meuja
Meuatoe cara rakyat geulambhuek
Sayang bak limeung ka keunoeng siale
Sayang boeh keumude broek ateuh bak
Meunyoe lagee nyoe sabee tiep watee
Pajan keuh dame tanyoe seurentak
Etty Rismanita
Banda Aceh, 2011
skip to main |
skip to sidebar
0 komentar:
Posting Komentar