Peusan bak adeuk

Oleh : Etty Rismanita

Wahee Adek lon leungoe kak peugah
Bak gata meutuah wahee boh hatee
Kadang singoeh kak meulangkah
Keudeuh bak Allah Rabbul kadee

Bhak ta dhuk-dhuk nyoe ka langkah
Nyawoeng geu hilah hana ta theu droe
Hana sampoe kak peubahagia Ma ngoen Ayah
Na gata meutuah geunantoe uloen nyoe


Oh bungoeng mawoe nyang baroe meureukah
Peu nyang kak peugah beuna neu hiroe
Sabab that sedeuh untoeng Ma ngoen Ayah
Bak geu ilah peu hudeup tanyoe

Wahee Adeuk Akak cuba ta kaloen
Bungoeh geutroen malam geugisa
 Bah pih teuka ujeun di troen
Teutap geu ayon gaki lam paya

Peusan kak saboeh oh Adeuk meutuah
Poema ngoen Ayah beugoet tajaga
Bhek sagai Adoe gata meu ulah
Beugoet ta papah awak nyan dua

Nyoe awai kak langkah bak Allah
Ma ngoen Ayah titiep bak gata
Tajak sikula beurajin meutuah
Beuna berkah razeki tabie keu Ma

Saleum Untuk Adoe Lon