Woe Gampoeng

Oleh : Etty Rismanita

Asssalamualaikoem kawoem silingka
Nyang na bak SASTRA meuhat lon sapa
Nibak uroenyoe keuneuk meucalitra
U Nanggroe ABDYA lon keunek gisa

Ka troeh dua thoen uloen di Banda
Lon Jak sikula mita ilmu
Lon tinggai Nanggroe Manggeng nama
Desa Sejahtera nyang ulon rindu


Thoen nyang ka u likoet sabe ulon woe
Jak jingeuk gampoeng droe oh libur sikula
Tapi libur baroe sa hana lon woe
Tinggai disinoe sabab na kereuja

Hatee that rindu jinoe u gampoeng
Geunap si thon hana teukalon rupa
Walaupun poma na keunoe meugaboeng
Rindu u gampoeng teutap teuka

Sideuh di ABDYA na Keude Siblah
Di Babah Nipah keude meubanja
Selamat meupisah rakan meutuah
Tanyoe meupisah untoek sementara

Tajak u ABDYA lingke Meulaboh
Kayem meupiyoeh sinan bak waroeng
Kaheuk meuaroeng cukoep that jioeh
Tajak poh tujoh malam poh lapan troh u gampong

Tuloe meu aneuk lam jumpung padee
Ureung keumawe di dalam paya
Oh noe keuh rakan ek lon rawe
Singoeh lom ta cae oh na beurita

Banda Aceh, Etty Joseberg.