Suara Aneuk Koh

Tajak u gle ta pula bayam
Tapeudhoeng rangkang oh uroe ka
Hatee sedeuh han ta tuoh ban
Seutreus fikiran pikee beulanja

Barang di dapue ka habeuh mandum
Troeh bak boh kuyun ka than lee na
Duaploh ribe tinggai lam balum
Meutemeu boeh kuyun than meutemeu saka

Campli ngoen kunyet sama lom lagoe
Ajinamoto lom aliya jahe
Laen lom lada payah chit tabloe
Keu mandum nyoe hanseup limoeng ribee

Engkoet dua neuk ka siploeh ribee
Nyan pih aneuk suree dua goe koh
Sigoe tacroeh sigoe tagule
Ka meunan lage deurita aneuk koh



Leubeuh lom seungsara di akhee bulen
Dheuk ta then meu uroe-uroe
Nyang na troe chit di awai bulen
Sigoe sijeum jak bak Restro


Allah hu Tuhan e ya Rabbana
Pheung saboeh keuna keulon neutulak
Laen lom beudak cilak gohlom na
Keuneuk jak mita silop tinggi hak

Meunoe keuh hudep di dalam rantoe
Neumpeu payah tabloe hanjeut ta meugadee
Meunyoe meusineuk than pheng lam jaroe
Ka sah geutanyoe matee meugulee

Sayang oh uroe cut putroe imboen
Dilee meucroen bak ujoeng kayee
Yoh masa phon langkah lon peutroen
Ngoen badan tumboen jinoe kalayee

Tacang on kruet jampu tapak leman
Dua on kayee nyan pasoe lam kuah priek
Ureung di geumecik geu kaloen lon tuan
Di peugah “tulang berjalan” gata upik.



Salem... Etty Joseberg
Banda Aceh, 05 juli 2011